Nuk duhet të ekzistojnë dy klasa të anëtarësimit në Bashkimin Evropian dhe nuk do të ketë hapa të dyfishtë në këtë proces, thuhet në përfundimin e takimit midis Liberalëve Evropianë të Grupit ALDE në Sofje, kushtuar strategjisë së re të zgjerimit të Bashkimit Evropian. Nga Partia Liberale kumtuan se deputetët evropianë dhe krerët e shteteve liberale të Evropës besojnë se “ky është një vit i madh për rajonin e Ballkanit Perëndimor”.
Ndërkohë është përshëndetur prania e regatës në procesin e anëtarësimit në Bashkimin Evropian, gjegjësisht, se secili vend do të përparojë aq sa vetë të investojnë në këtë proces.
“Një temë veçanërisht e rëndësishme ishte pozicioni i Malit të Zi, i cili është lider në procesin e integrimit evropian. U theksua se Mali i Zi duhet të punojë më shumë në reformat e sistemit dhe se vëmendje e veçantë duhet t’i kushtohet mungesës së përparimit më të madh në luftën kundër korrupsionit dhe krimit të organizuar. Mali i Zi, duhet të bëjë çdo përpjekje për të investuar në negociatat për kapitujt 23 dhe 24 me qëllim që të zgjidhë këto probleme sa më parë që të jetë e mundur dhe të largojë sfidën e fundit pas së cilës anëtarësimi i Malit të Zi, në BE është i sigurt “, kumtojnë nga Partia Liberale.
